Hotdog Sandwich

Kahapon pagkauwi ko galing school, naghihintay ako sa tatay ko sa 7- eleven. Tapos nung dumating na siya, sabi niya walang pagkain sa bahay. Kaya naman sa 7-eleven na ako kumain.

Syempre, kinain ko don yung lagi kong kinakain: HOTDOG SANDWICH. Edi nakuha ko na yung tong, tapos may plastic na ko sa kaliwang kamay ko. Tapos may bun na, yun na nga yung last eh. Nung kukunin ko na yung hotdog, nalaglag siya sa sahig. Hindi kasi talaga ako magaling humawak ng tong. Lalo na yung malaki. Nakita ni tatay tapos natawa siya. Kasi pinulot ko yung hotdog sa sahig tapos binalik ko siya sa loob. Ako naman, kabado bente. kasi baka may nakakita sa kin. Tingin ako, kaliwa, kanan, parang wala namang nakakita ng nalaglag na hotdog. Edi kumuha na ko ng bago. Buti hindi nalaglag.

Kinakabahan pa din ako nung time na to. Mas tumaas ang kaba ko nung nakita ko yung security camera sa taas. Sabi ko sa sarili ko, Hala, baka nahuli ako. Nakakakaba talaga yung mga security camera. Naisip ko tuloy pano pagbalik ko ng 7-eleven mamukaan nila ako? Hanggang pagbayad ko ng hotdog sandwich, kinakabahan talaga ako. Pero buti na lang, safe ang lahat.

Ewan ko lang, kung sure na. KAso baka mamaya pagbalik ko don, hulihin ako. Haha.